कौमुदी परिवाराचे आधारस्तंभ राज्यपुरस्कार प्राप्त मुख्याध्यापक विद्यार्थीप्रीय आदर्श शिक्षक कर्मयोगी शिक्षण महर्षी अशा आदरणीय सरांना विनम्र अभिवादन !

आदरणीय श्री शरद नारायण पाटील सर, कुमुद मेमोरियल फंडाचे संस्थापक विश्वस्त आणि कुमुद विद्यामंदिर शाळेचे खरेखुरे शिल्पकार आहेत. शाळेच्या स्थापनेपासून सलग 25 वर्षे त्यांनी माध्यमिक विभागाचे मुख्याध्यापक पद भूषवले, आणि शाळेच्या प्रत्येक कार्याची पायाभरणी घडवून आणली. त्यांच्या अथक परिश्रमांमुळे, 1985 साली महाराष्ट्र शासनाने त्यांना आदर्श शिक्षक पुरस्काराने सन्मानित केले.

साहित्य प्रेमाने ओतप्रोत असलेल्या पाटील सरांना कोकण मराठी साहित्य परिषदेच्या ‘साहित्य मित्र’ पुरस्काराने गौरवण्यात आले आहे. संवेदनशील मनाचे हे विलक्षण व्यक्तिमत्व शाळा आणि विद्यार्थ्यांना जीवनाचा केंद्रबिंदू मानून, त्यांच्या शिक्षणासाठी अपार मेहनत घेत आहेत. शाळेसाठी त्यांचा ध्यास आणि विद्यार्थ्यांप्रतीचा त्यांचा खास आदर हेच त्यांच्या नेतृत्वाची खरी ओळख आहे.